Млын пабудаваны на мяжы XIX і XX стагоддзяў з бутавага каменя і жоўтай цэглы. Першапачаткова гэта быў чатырохпавярховы будынак у гатычных формах; пасля сур'ёзных пашкоджанняў падчас Другой сусветнай вайны яго аднавілі ўжо трохпавярховым. Доўгі час млын працаваў па прамым прызначэнні, пазней механізм прыводзіўся электраматорам, а ў савецкі перыяд будынак выкарыстоўвалі як склад. Цяпер аб'ект закінуты і разглядаўся як патэнцыйная пляцоўка для турыстычнага або сядзібнага праекта.